Kaldereta nga Sardinas

Mga Sagol:

5 ka lata nga sardinas in tomato sauce
1 ka buok nga Sibuyas
4 ka kutsara nga Ahos
1/4 ka tasa nga Olives
1/4 sa tasa nga Pickles
1/2 sa tasa nga Ginutad nga Patatas
1/2 sa tasa nga Karots
1/2 sa tasa nga Cheese
1/4 sa tasa nga Celery
Asin ug Paminta nga panimpla

Mga Paagi Sa pagluto:

Mag-gisa ug Ahos ug Sibuyas. I-sunod ang Patatas ug Karots aron dali ra mohumok, dayon i-sagol ang Sardinas. Kon mobukal na, i-sagol ang Olives ug Keso. Butangan ug Celery, Pickles ug timplahan.

Sinangag Nga Kan-on

Mga Sagol:

Kan-on nga Bahaw
Sibuyas (onion)
Green peas
Karots
2 ka Itlog
Butter
Asin ug Paminta

Mga Paagi Sa Pagluto:

Batilon ang Itlog. Mag-gisa ug Sibuyas, unya butangan ug gamay'ng Asin. I-lunod ang Itlog, dayon ibutang sa plato ug ipadaplin. Magbutang ug Butter sa Kawali. Butangan ug gamay nga mantika aron dili dali masunog ang butter. I-lunod ang Green peas. I-sunod ang Karots. I-lunod ang Bahaw nga kan-on. Butangan ug gamay nga toyo (soy sauce) aron dili luspad tan-awon. Timplahan ug Paminta ug Asin. I-sagol ang Itlog nga luto na ug sagol-sagulon, dayong haon sa sinangag.

Sardinas Risotto

Mga Sagol:

3-4 ka tasa nga Kan-on (cooked rice)
1 kabuok nga Sibuyas
4 ka kutsara nga Ahos
1 ka kutsarita nga Fresh Oregano
1/2 ka tasa nga Cream
1/2 sa tasa nga Mushrooms
5 ka lata nga Spanish Sardines
1/2 ka tasa nga Cheese
1/2 ka tasa nga Red pepper ug Green pepper
Asin ug Paminta nga panimpla

Mga Paagi Sa Pagluto:

Mag-gisa ug Ahos ug Sibuyas. I-lunod ang Mushrooms. I-sunod ang Spanish Sardines. Pabukalon ug bale 2 ka minuto, dayon i-sagol ang Keso ug ang Krema. I-lunod ang luto nga Kan-on ug timplahan. Kon nasagol na ang Kan-on, budburan ug Red pepper ug Green pepper.

Pasta Ala Sardinas

Kinsa toy hilig mokaon ug sardinas nindot niy kay naay omega 3 maayo sa heart.

Mga Sagol:

500 ka gramo nga Spaghetti Noodles
1 ka buok nga Sibuyas
3 ka kutsara nga Ahos
3 ka kutsarita nga fresh Basil
1 ka kutsarita nga Oregano
1/2 sa tasa nga ginutad nga Kamatis
5 ka lata nga sardinas in oil
1 kabuok nga Beef Cube
1/2 sa tasa nga evaporated nga gatas
1/4 cheese cube para sa toppings
Asin ug Paminta pangtimpla

Mga Paagi Sa Pagluto:

I-gisa sa Mantika ang Sibuyas ug ang Ahos. I-sunod ang Kamatis, dayon butangan ug Basil, Oregano ug Sardinas. Pagsagol-sagulon ug bale 5 ka minuto. I-lunod ang evaporated nga gatas ug timplahan. Kon mobukal na, pwede na i-sagol sa pasta, unya pa-ibabwan ug cheese cube.

Pangkek

Mga Sagol:

1 1/2 sa tasa nga All-purpose flour
2 ka kutsara nga Asukal
1 ka kutsarita nga Baking powder
1/4 sa kutsarita nga Asin
1 ka tasa nga Gatas (evaporated)
1/2 ka tasa nga Cream
2 ka kutsara nga Butter
1 ka Itlog
3 ka Saging nga hinog nga gihiwa ug pinahigda. (Hiwaon ug 1 ka pulgada)
1 ka tasa nga Maple Syrup

Mga Paagi Sa Pagluto:

Panitan ang Saging ug hiwaon. Ibutang ang Saging Sa kawali. Butangan ug Maple Syrup. Lutuon sa inanay nga kalayo. Pagkaluto na, ibutang sa plato ug ipadaplin.

Magbutang ug Harina. I-sagol ang Baking soda. I-sunod ang 1/4 ka kutsarita nga Asin ug 2 ka kutsara nga Asukal. Magpainit ug Butter sa kawali. I-sagol ang Asukal, Baking powder, Itlog, Cream ug ang Gatas. I-sagol ang Butter sa Pancake mix. Hulaton nga mo-init ang kawali. Magbutang ug pancake mix. Hulaton nga maluto. Mailhan kini kon luto na kon magdaghan ang bula-bula ayha balihon. Butangan ang ibabaw sa pancake sa pinatam-is nga Saging. Enjoy!

Tinuktok

Mga Sagol:

Cocomeat o Bagatungol (tender nut of Coconut)
Luy-a
Sibuyas
Tanglad (Roots)
Uwang (Shrimps)
Asin
Gata
Suka
Katnga (Dahon sa Gabi)
Siling Labuyo (Optional)

Mga Paagi Sa Pagluto:

Tadtaron ang Cocomeat. I-dugang ang tinadtad nga Luy-a, Sibuyas ug tinadtad nga Uwang. I-sagol ang Asin ug Suka. Puston ang mga tinadtad nga mga sagol sa tulo ngadto sa upat ka patong nga Katnga aron sigurado nga di mangabuslot. Kon naputos na, tali-an og Tanglad. Pabukalon ang Tinuktok sa gata og bale 1 1/2 ka oras ngadto sa 2 ka oras.

Ginat-an nga Halo-Halo

Mga Sagol:

Ikaduha'ng puga nga Gata
Asukal nga pula
Pandan
Vanilla
Kamote
Saging
Sago
Espeso nga Gata
Galapong (Ground Rice)
Nangka

Mga Paagi Sa Pagluto:

I-lunod ang ikaduhang puga nga Gata ug Asukal nga pula. Isunod ang Pandan, Vanilla, Kamote, Nangka, Saging, Sago ug ang Galapong, dayon ang espeso nga Gata.


Sugyot:

Sagulan ang ginaling nga Bugas og gamayn'g tubig, dayon hulmahon kini ug himo-on nga Bilo-bilo. ( Lingin-linginon ang porma)

Binagoongan nga Karneng Baboy

Mga Sagol:

1/2 sa kilo nga Liempo
Suka
Sili
Asukal
Sibuyas
Ahos
Bagoong
Mantika

Mga Paagi Sa Pagluto:

Mag-gisa og Sibuyas, Ahos ug karne nga Baboy. Hulaton nga ang karne nga Baboy magtosta. I-sunod ang Suka hangtud nga magreduce. Pasagdan usa nga mawa ang baho sa Suka. I-sagol ang Bagoong nga napalit sa super market. I-lunod ang Sili. Timplahan og 2 ka kutsarang Asukal.

Sugyot:

Ayaw usa dayon pagsagola ang karne nga Baboy inigkalunod sa Suka. Kinahanglan pa-alisngawon usa ang baho sa Suka. Hulaton nga mo-alisngaw ang baho sa Suka ayha pagsagulon.

Kon gusto ninyo nga di kaayo og halang ang Sili, inyo kini hiwa-on ug katunga, unya kuha-an gamay og mga liso para di kaayo halang.

Lumpyang Malaya

Mga Sagol:

Ahos
Uwang (Shrimps)
Karots
Baguio Beans
Repolyo
Toge
Fried Tokwa
Asin
Paminta
Mantika
Sibuyas

Mga Paagi Sa Pagluto:

I-gisa ang Sibuyas, dayon ang Ahos. I-sunod ang Uwang og luto-on og bale 2 ka minutos. Timplahan ug gamay'ng Asin ug Paminta. Pagkahuman, ilunod ang Karots, Baguio Beans, Repolyo ug ang giprito nga Tokwa. Pabugnawon.

Arroz Caldo

Mga Sagol:

Karne nga Manok
Toyo (Soy Sauce)
Duga sa Lemoncito ( Calamansi Juice)
Asukal
Ahos
Sibuyas
Bugas (Rice)
Patis
Chicken Cubes
Nilaga nga Itlog
Tubig
Mantika

Mga Paagi Sa Pagluto:

I-babad ang karne nga Manok sa Lemoncito juice, toyo ug gamay'ng Asukal. Ibutang ang karne nga manok sa kalaha o kaserola (pan) ug isulod sa oven. I-gisa ang Sibuyas ug ang Ahos sa Mantika. I-sagol ang Bugas sa nagisa nga Sibuyas ug Ahos. Butangan og Patis og sagulon pagma-ayo. Butangan og Tubig og pabukalon og bale 20 ka minutos ngadto sa 25 ka minutos. Butangan og Chicken Cubes. Hiwa-on ug himayon ang karne nga Manok nga giluto sa oven. Butangan og hiniwa nga nilaga nga Itlog ug niluto nga karne nga Manok para sa toppings.

8 Treasure Soup

Mga Sagol:

Ginaling nga karneng Baboy
Pork Broth
Karots
Green Peas
Uwang (Shrimps)
Tenga ng Daga
Puti nga Asparagus (White Asparagus)
Button Mushrooms
Puti nga Asukal
Asin
Sesame Oil
Rice Wine
Cornstarch
Egg White
Tofu


Mga Paagi Sa Pagluto:

Pabukalon ang Pork Broth. Ilunod ang ground pork, Karots, Green Peas, Uwang ug ang Tenga ng Daga. Isunod ang puti nga Asparagus ug ang Button Mushrooms, dayon timplahan ug puti nga Asukal ug Asin. Dugangan og Sesame Oil. Butangan og Rice Wine ug Cornstarch, dayon Egg Whites ug Tufo.

Seafood Express

Mga Sagol:

Mantika
Luy-a
Sibuyas
Kamatis
Atsal
Sili Espada
Gata sa Lubi (Fresh)
Dahon sa Kangkong
Butong (Young Coconut Meat)
Isda nga Blue Marlin
Nukos (Squid)
Uwang (Shrimps)
Lechon Kawali (Toppings)

Mga Paagi Sa Pagluto:

I-gisa ang Luy-a, Sibuyas ug ang Kamatis. I-sunod ang Blue Marlin nga isda, Nukos, Uwang, Atsal, Sili nga Espada, Kangkong ug ang Butong. I-lunod ang gata sa Lubi og lutu-on og bale 10 ka-minutos.

Sugyot:

Kon luto na gani, i-salin sa panaksan, dayon pa-ibabwan og Lechon Kawali nga nagutad na.

Longganisa Pasta

Mga Sagol:

Sibuyas
Ahos
Olive Oil
Salsa sa Kamatis (Tomato Sauce)
Asin
Paminta
Pasta (luto na)
Asukal
Longganisa
Keso (Cheese Cubed)


Mga Paagi Sa Pagluto:

I-gisa ang Ahos hangtud nga mag-brown og mo-gawas na ang lami (flavor). I-sunod ang Sibuyas, dayon i-lunod ang salsa sa Kamatis (Tomato Sauce) og hulaton nga mo-bukal. Timplahan og Asin, dayon ang Paminta. Butangan usab og Asukal aron makuha-an ang ka-aslom. I-sagol ang luto na nga Pasta sa salsa (sauce). I-lunod ang Longganisa ug ang Keso.

Kamunggay Pasta

Mga Sagol:

1/2 sa tasa nga Olive Oil
2 ka tasa nga Dahon sa Kamunggay
1/2 sa tasa nga walnuts
1 ka bulbo nga Ahos
3 ka buok nga Kamatis
500 ka gramo nga Pasta (luto na)


Mga Paagi Sa Pagluto:

I-butang sa blender ang Olive Oil ug ang dahon sa Kamunggay. I-dugang ang Walnuts ug ang Ahos. Mag-gisa og Kamatis sa Mantika og i-lunod ang luto na nga Pasta. Butangan og na-sagol (blend) na nga Kamunggay, dayon timpalahan og Asin ug Paminta.

Ginat-an Nga Tilapya

Mga Sagol:

1 ka tasa nga Sibuyas
1 ka tasa nga Atsal
Mantika
1 ka bulbo nga Ahos
Kalamansi juice
1/2 sa kilo nga Tilapya
Asin
1 ka tasa nga kamatis
1 ka panaksan nga Gata


Mga Paagi Sa Pagluto:

Hidhiran og Asin ang Tilapya,unya hidhiran usab og duga sa Kalamansi ang Tilapya aron mawa ang langsa. I-gisa ang Sibuyas ug ang Atsal sa gamay'ng Mantika. I-lunod ang Ahos. I-sunod ang Kamatis. I-lunod ang Tilapya sa kaserola nga gi-gisahan sa mga panakot apil ang Gata og timplahan.

Salad Nga Puso Sa Saging

Mga Sagol:

Puso sa Saging
Asin
Gata
Lemoncito
Atsal
Sibuyas
Luy-a
Karot


Mga Paagi Sa pagluto:

Panitan ang puso sa Saging. Hiwa-on ang Puso sa Saging. Pabukalan og bale 5 ka minutos. Haw-ason og kuha-on ang buwak sa sulod ni-ini, dayon hiwa-on. Piga-on sa Asin aron mawa ang pakla. Maghiwa og Atsal, Luy-a, Sibuyas, Karot ug Lemoncito, dayon dugangan og Suka. I-bubod ang Gata sa Puso apil na ang mga lamas og timplahan.

Ginat-an Nga Siling Tagalog

Mga Sagol:


1/2 sa kilo nga Siling Tagalog
1/2 sa tasa nga Bago-ong
1/4 sa kilo nga Tambok sa karneng Baboy
1 ka bulbo nga Ahos
2 ka tasa nga Gata
1/2 sa tasa nga Tubig


Mga Paagi Sa Pagluto:


Ibutang sa Kaserola o Kaha ang tambok sa karneng Baboy ug butangan og Tubig. Takluban hangtud nga mo-mantika. Kuha-on ang tambok nga karne sa Baboy kon ni-chicharon na kini. I-gisa sa Mantika ang Ahos, i-apil usab ang bago-ong og pabukal-bukalon. I-lunod sa Bago-ong ang Sili ug ang Gata, pasagdan hangtud nga mo-mantika.

Inun-onan Sa Gata Nga Tiyan Sa Tulingan (Panit)

Mga Sagol:

Tiyan sa Tulingan
Luy-a ( gihiwa og manipis)
Ahos (tinadtad)
Sibuyas
Sili
Atsal
Asin
Gata


Mga Paagi Sa Pagluto:


Sa Kaldero, magbutang og Luy-a, Sibuyas ug Ahos. Ipanghapnig ang tiyan sa Tulingan sa sulod sa Kaldero. I-dugang ang ika-duha nga kupog nga gata ngadto sa Tulingan. I-sunod og lunod ang Suka. Kon mobukal na, ilunod ang espeso nga gata, dayon ang Sili, Atsal og timplahan.

Kinilaw Nga Tulingan (Panit)

Mga Sagol:

Tulingan
Suka
Lemoncito
Asin
1 ka kutsara nga brown sugar
Sili nga Labuyo
Pipino
Luy-a
Sibuyas
Atsal


Mga Paagi:

Hiwa-on ang unod sa Tulingan depende kon unsa kadagko nga imong gusto. Butangan og Asin og sagulon pag ma-ayo. I-dugang ang Suka, Lemoncito ug ang Brown Sugar, dayon isagol tanan mga panakot apil na ang Pipino.

Sinugba'ng Panga Nga Tulingan (Panit)

Mga Sagol:

Mantika
Ahos (tinadtad)
Paminta
Panga sa Tulingan


Mga Paagi Sa Pagluto:

Magbutang og Mantika, Ahos ug Paminta aron pangbabad. Samad-samaran ang unod sa Panga aron mosunop ang timplada. I-dugang ang Asin og ihid-hid sa tibu-ok Panga, dayon ibabad. Isugba ang Panga sa Tulingan og bale 30-45 ka minutos.

Inun-on Nga Ulo Sa Tulingan (Panit)

Mga Sagol:

Suka
Luy-a (Hiwa-on og nipis)
Ahos (Tinadtad)
Sibuyas (Tinadtad)
Tubig
Asin
Kinugay (Brown Sugar)


Paagi Sa Pagluto:

Ilunod ang Luy-a, Ahos, Sibuyas, Suka, Tubig, Asin ug ang Brown Sugar og pangsagulon tanan. Idugang ang Tulingan. Takluban og lutu-on og bale 30 ka minutos.

Cadios

Mga Sagol:

Karne nga Manok
Nangka
Cadios Beans
Tanglad
Mantika
Ahos
Sibuyas
Kamatis
Asin
Paminta
Ganas (dahon sa Kamote)

Paagi Sa Pagluto:

I-gisa ang Ahos, Sibuyas ug Kamatis sa mantika. I-dugang ang karne sa Manok, dayon ilunod ang ginisa nga karne sa Manok sa gipabukal nga tubig. Ilunod ang gulay nga Nangka. I-sunod ang Cadios Beans. I-lunod ang Tanglad. Timplahan og Asin ug Paminta, dayon ilunod ang dahon sa Kamote. Lutu-on og bale 20 ka-minutos.

Sugyot:

Kon gusto ka nga aslum ang sabaw pwede pod butangan nimo og pangpa-aslum.

Chicharon Bulaklak

Paagi Sa Paglimpyo:

Limpyuhan og maayo ang tina-i sa baboy og tubig. Tang-galon ang mga naa sa sulod sa tina-i. Pabukalan sa tubig nga adunay asin ang tina-i sa baboy og bale tulo ka-beses aron mawa ang baho.

Mga Sagol:

Tina-i sa baboy
Sibuyas
Ahos
4 ka Laurel leaves
Pepper corn
Asin

Paagi Sa Pagpahumok Sa Tina-i:

I-pressure cooker ang limpyo nga tina-i sa baboy kauban ang sibuyas, pepper corn, ahos, laurel leaves ug asin og bale 20 ka-minutos.

Paagi Sa Pagluto:

Pagkahuman i-pressure cooker ang tina-i sa baboy, paughon kini sa tibu-ok gabii aron inig-deep fry dili kaayo manglagsik ang mantika. I-deep fry ang tina-i sa baboy og bale 3 ka-minutos hangtud nga mag-golden brown.

*Garlic Roasted Vinaigrette*

Mga Sagol:

Roasted Garlic (2 ka ulo nga Ahos)
Olive Oil
Balsamic Vinegar
Asin

*Paagi Sa Paghimo Sa Roasted Garlic Vinaigrette *

Hiwa-on og bale 1/3 ang ibabaw sa ulo sa Ahos. Hidhiran og Olive Oil. I-roast og 275 degrees celcius sa oven og bale 45 ka-minutos. Puga-on ang roasted nga garlic og durugon kini. Butangan og balsamic vinegar, dayon ang olive oil ug asin.

*Dip: Roasted Tomato Sauce*

Mga Sagol:

Roasted Tomatoes
Roasted Onions
Roasted Garlic
Asin

*Paagi Sa Paghimo Sa Roasted Tomato Sauce*

I-roast ang Kamatis, Sibuyas ug ang Ahos. Butangan og gamay'ng Asin og i-blender.

Plating:

Magbutang og kan-on (rice) sa plato og ipatong ang Chicharon Bulaklak sa rice. Butangan og tomato sauce ang kada kilid sa rice, dayon gamay'ng roasted garlic vinaigrette sa ibabaw sa Chicharon Bulaklak ug sa rice.

Home-made Beef Tapa

Mga Sagol:

1 ka kilo nga karneng baka (top round)
1/2 sa tasa nga Sprite o Lemon Soda
1 ka ulo sa Ahos
1/2 nga dalag nga sibuyas (yellow onion)
1 ka tasa nga toyo (soy sauce)
1/2 sa tasa nga Kalamansi juice
2 ka kutsara nga brown sugar
2 ka kutsara nga Asin
1 ka kutsara nga paminta
1/4 sa tasa nga Chicken stock (optional)
1 ka kutsara nga mantika

Paagi Sa Pagluto:

Ibutang ang Lemon soda, light soy sauce ug ang kalamansi sa bowl. Idugang ang Ahos, Sibuyas, Paminta ug Asukal. I-babad ang karne nga baka og bale 2 ka adlaw aron lami ang resulta. Ibutang sa ref og takluban. Habwaon ang karne nga Baka gikan sa binabad og pritohon og bale 3 ka minutos hangtud nga ang likido masuyop balik sa karne. Pa-brawnon ang tapa. Hiwaon ang karne nga tapa og pinata-as.

Sugyot:

Kon naga-gamit ka og non-stick nga kaserola, di na ka kinahanglan mogamit og mantika aron magprito. Pero kon ang imong kaserola dili og non-stick magkinahanglan ka og gamay nga mantika aron di mopilit ang karne sa kaserola.

Home-made Pork Tocino

Mga Sagol:

1 ka kilo nga karneng Baboy
1 ka tasa nga suka
1/2 sa tasa nga toyo (soy sauce)
2 ka kutsara nga asukal
2 ka kutsara nga asin
2 ka kutsara nga paminta
1 ka ulo sa ahos
1/2 sa tasa nga Coke Cola
1 ka tasa nga Anatto seeds pangpakolor

Paagi Sa Pagluto:

Initon ang Cola sa kaldero hangtud mo-init-init. I-dugang ang Anatto seeds and let steep og bale 2 ka oras. Kon mobugnaw na ang Cola, pwede na siya nga gamiton. Hiwaon ang karne og manipis. Siguraduhon nga naay gamay nga tambok nga mahibilin sa karne kada hiwa. Sa dako nga bowl, i-sagol ang tanan uban mga sagol hangtud ang asin ug ang asukal matunaw.
I-babad og bale 3 ka adlaw aron lami ang resulta. Sagulon og maayo og ibutang sa ref og takluban.

Sugyot:

Kon lutuon na ang pork tocino, magbutang og gamay'ng tubig sa kaserola og pabukalon, ayha ibutang ang pork tocino, bale-balehon hangtud nga mag-golden brown.

Sizzling Nga Tufu

Mga Sagol:

1 ka kilo nga Tufu
1 ka lata nga whole mushrooms, (halved)
1 ka Karot gihiwa og pinata-as
3 ka Klabo nga Ahos gihiwa og pino
1/2 gihiwa nga sibuyas
2 ka kutsara nga oyster sauce
1/2 sa tasa nga Singkamas gihiwa og pina-kwadrado
asin ug paminta
2 ka kutsara nga mantika
Dahon sa Lettuce
Almonds
Crispy Noodles
Hoisin Sauce
Chicken Stock

Paagi Sa Pagluto:

Hiwaon ang Tokwa (Tufu). Igisa ang Sibuyas ug ang Ahos. I-dugang ang Karot. Timplahan og oyster sauce. Butangan pod og Chicken Stock. Ilunod ang mushrooms. Timplahan og asin. Butangan og dinurog nga Chili flakes.

Sugyot:

Patyon ang kalan ayha ihulog ang Singkamas aron medyo kagubkob pa kaunon.

Crispy Noodles:

I-prito ang Bihon sa init nga mantika og pila ka segundo, dayon haw-ason og ibutang sa paper towel aron di mantikaon ang crispy noodles.

I-prito ang Tokwa (Tufu)

Ang Pagplating:

Maghanig og dahon sa Lettuce, dayon ibutang ang crispy noodles ug ang uban pang mga sagol nga luto na.

Linagpang

Mga Sagol:

Sinugba nga karneng Manok
Sinugba nga Kamatis
Asin
asukal
mantikilya (Butter)
Ahos
Sibuyas
itlog
Sili nga Labuyo
Gatas nga evap
tubig

Paagi Sa Pagluto:

Hiwaon ang sinugba nga karneng Manok. Gihay-gihayon ang sinugba nga kamatis, inubanan sa asin ug asukal. I-gisa ang Ahos, sibuyas ug ang Kamatis nga gi-mixed sa asin ug asukal. Ihulog ang karne nga Manok. Butangan og tubig. Batilon ang itlog sa tubig. Pisa-on ang sili sa asin, dayon ilunod. Ilunod ang binatil nga itlog ug ang gatas nga evap dayon timplahan.

Ginat-an Nga Kagang

Mga Sagol:

Kagang
Butong (unod)
Gata sa Lubi
Sibuyas
Ahos
Herbabuena
Luy-a
Karots
Atsal
2 ka kutsara nga mantika

Paagi Sa Pagluto:

Igisa ang ahos ug sibuyas, dayon pagsagulon ang tanan mga sagol. Ukabon ang kabhang sa kagang og kuha-on ang sulod niini og i-sagol sa uban nga mga sagol, dayon ibalik ra usab sa kabhang ang mga sinagol og pag-akubon. Kon naay sobra, baluton sa dahon sa saging og ihikot sa Kagang og iluto sa gata og bale 20 ka minutos.

Atchara Nga Kapayas

Mga Sagol:

Ginudgod nga kapayas
Karots
Ahos
Sibuyas

Pickling Solution:

tubig
asukal
asin
luy-a (optional)

Paagi Sa Pagluto:

Hugasan og panitan ang kapayas. Hiwaon og gudguron ang kapayas. Pug-an og asin ang kapayas aron mawa ang duga. Hugasan pag-usab ang kapayas human puga-i sa asin, unya ibabad dayon sa pickling solution sa tibuok gabii. Ibutang sa naka-sterelized nga mga garapon ang kapayas og pabukalan sa kaserola og bale 15 ka minutos.

Sugyot:

Kon naka-sterelized ang mga garapon nga gisudlan sa atchara, mas maayo aron dili dali mada-ot ang Atchara.

Inasal Nga Manok

Mga Sagol:

toyo (soy sauce)
suka
luy-a
ahos
kalamansi

Panghidhid mentras gi-asal:

mantika
achuete

Paagi Sa Pagluto:

Ibabad ang mga barbecue sticks sa tubig og bale 30 ka minutos sa dili pa gamiton sa pag-asal aron di masunog.

Paagi Sa Pagbabad sa karne nga manok:

Magbutang og toyo, suka, luy-a ug ahos. Pug-an og kalamansi aron mawa ang langsa sa karne nga manok. I-babad sa tibuok gabii ayha asalon mga 12-15 ka minutos asalon ang kada pikas nga bahin .

Sugyot:

Ang mantika nga pangpahid sa pag-asal makuha pinaagi sa pagpabukal sa mga sobra nga panit sa karne nga manok pwede pod kon way lain kanang mantika nga pangluto. Painiton og kadiyot apil ang achuete aron mo-kolor ang panghidhid.

Saging Nga Turon

Mga Sagol:

3 ka tasa nga saging saba hiniwa (diced)
1 ka tasa nga brown sugar
1 ka tasa nga nangka (strips)
1/2 ka akob nga panutsa (caramelized)
1 ka tasa nga chopped walnuts (optional)
lumpya wrapper
mantika

Paagi Sa Pagluto:

Patam-ison ang saging ug ang nangka sa brown sugar. Pabugnawon ang pinatam-is nga saging ug ang nangka. Baluton sa lumpya wrapper ang pinatam-is nga saging ug nangka. Pwede butangan og walnuts ang sulod sa wrapper. Ikaw ang mag-igo.

Caramel Sauce:

Tunawon ang panutsa sa kaserola hangtud nga molawot. Hinay-hinay nga ibubo ang caramel sauce sa ibabaw sa turon og budburan sa chopped walnuts.

Binakol

Mga Sagol:

mantika
ahos
luy-a
sibuyas
kalamansi
toyo (soy sauce)
asukal
karneng manok
sabaw sa Butong
Butong (unod)

Paagi Sa Pagluto:

Ibabad ang karne nga manok sa kalamansi, toyo ug asukal. Igisa sa mantika ang karne nga manok. Ibalhin ang ginisa nga karne nga manok sa dakong kaldero. Ilunod ang sabaw sa butong og pabukalon. Isunod ang patatas, repolyo ug ang unod sa butong og timplahan.

Mutya Ng Dagat

Mga Sagol:

1 tasa nga mantikilya (butter)
1 ka sibuyas
5 ka klabo nga ahos ginutad
1 1/2 tasa nga all-purpose flour
5 ka tasa nga fish broth (pinagbukalan sa tahong)
2 ka tasa nga gatas nga evap
2 ka kutsara nga mantika
paminta
250 gramo nga fillet Maya-Maya
250 gramo nga tahong limpyo na kay gikuhaan na ug bungot
250 gramo nga nukos limpyo na kay wa nay panit, ata ug puyo
250 gramo nga uwang limpyo na kay shelled and deveined
asin ug puti nga paminta
1/2 sa tasa nga alak
ginutad nga dahon sa sibuyas

Paagi Sa Pagluto:

Igisa ang ahos ug ang sibuyas sa mantikilya. Ilunod ang nukos ug ang uwang. Isunod ang tahong nga gipabukalan na. Ibubo ang alak og painiton pag -ayo. Sagulon ang gatas nga evap ug ang all-purpose flour pangpalawot sa sabaw. I-apil ang seafood broth kadtong gibukalan sa tahong. Pabukalon ug sagulon. Kon maluto na, dayan-dayanan dayon og dahon sa sibuyas.

Sipa

Mga Sagol:

1 ka kilo nga ginaling nga karneng baboy
1 ka kutsara nga hiniwa nga ahos
1/8 ka kilo nga kutchay (chinese leaves)
1 ka karot nga hiniwa
1 ka lindog nga dahon sa celery
2 ka tasa nga hiniwa nga sibuyas
4 ka kutsara nga asukal
5 ka kutsara nga toyo (soy sauce)
1/2 sa kutsara nga paminta
sesame oil
3 ka kutsara nga oyster sauce
1 ka kutsarita nga chicken powder
mantika
3 ka kutsara nga chinese wine
1 ka tasa nga soup stock
cornstarch ug tubig
spring roll o lumpya wrapper

Paagi Sa pagluto:

Painiton ang mantika sa kaha. Igisa ang ahos hangtud nga mo golden brown. Idugang ang ginaling nga karneng baboy hangtud mo golden brown. Idugang ang toyo, oyster sauce, paminta, asukal, chicken powder, chinese wine, sesame oil, soup stock, kutchay, karot, sibuyas ug celery leaves. Sagol-sagolon hangtud nga maluto.

Sugyot:

Kinahanglan ang cornstarch adunay tubig isagol para di magtibuok-tibuok ug magporma ug lingin ang ginaling nga karneng baboy.

Tabason ug triyanggulo ang lumpya wrapper. Pabugnawon usa ang mga lamas ayha puston.

Sugyot:

Doblehon ang wrapper aron di dali mabasa ang ilawom ug mabuslot. Iprito hangtud nga mag-golden brown.

Nilung-ag Nga Bulinaw

Mga Sagol:

Kamyas
Bulinaw
Asin
Luy-a
Kamatis
Tambok sa karneng Baboy
Dahon sa Saging

Paagi Sa pagluto:

Timplahan ug asin ang Bulinaw. Isagol ang Luy-a sa Bulinaw aron mawa ang langsa. Magbutang ug kamyas sa kaldero o kulon. Mogamit ug tambok sa karneng baboy ug ibutang sa kaldero o kulon aron momantika.

Himuon ug porma sa torotot ang dahon sa Saging. Sa dahon sa Saging isulod ang bulinaw ug butangan pod ug hiniwa nga mga kamatis. Ibutang ang mga naputos nga mga bulinaw sa sulod sa kaldero o kulon ug hulaton nga maluto ang Bulinaw.

Pag-andam Sa Sawsawan:

Magkuha ug kamyas gikan sa sulod sa kaldero o kulon ug durugon, dayon sagulan ug patis.

Nasi Goreng

Ang Nasi Goreng usa sa mga klase sa sinangag nga luto o fried rice.

Mga Sagol:

1/2 ka tasa sa ginaling nga karneng manok
1/4 ka tasa ginutad nga pinanitan nga uwang
3 ka klabo nga ahos hiniwa
1 murang sibuyas (leek) hiniwa
4 ka buok nga sibuyas (shallots) hiniwa
1/4 ka tasa ginuhayguhay nga repolyo
1/4 ka tasa nga taugi
2 ka buok nga Thai red chili hiniwa
2 ka kutsara nga Kekap Manis (sweet soy sauce)
asin ug paminta
2 ka tasa bahaw nga luto (cooked rice)
1 ka nilapwaan nga itlog
Fried Kropek (Krupuk) mapalit ni sa Asian Section
sibuyas
coconut oil

Paagi Sa Pagluto:

Magbutang ug coconut oil sa kaha. Kung mo init na ang mantika, igisa ang ahos ug isunod ang mga sibuyas. Ilunod ang ginaling nga karneng manok hangtud nga muputi ang kolor. Isunod ang ginutad nga uwang, dayon ang red thai chili. Timplahan ug asin ang karne ug ilunod ang bahaw nga luto ug sagulon pag-ayo. Ilunod ang Kekap Manis, repolyo ug ang taugi. Igisa ug bale 2 ngadto sa 3 ka minutos o labaw pa hangtud nga maluto.

Kon gusto ka nga i-plating inigkaluto, kini ang buhaton:

Ibutang sa plato ang imong niluto. Paibabwan ug pinabukalan nga ginuhayguhay nga karneng manok, hiniwa nga nilapwaan nga itlog ug kana pod Kropek, basta kamo na ang bahala sa pag-arte ana.

Seafood Kare-Kare

Mga Sagol:

mantika, ahos, sibuyas
asin, paminta, asuete,
fish broth (tubig pinabukalan sa tahong)
peanut butter
alimango, sugpo, tahong
string beans (abitswelas)
talong, pechay

Paagi Sa Pagluto:

Magbutang ug mantika sa kaha. Kung mo-init na ang mantika, igisa ang ahos ug ang sibuyas. Ilunod ang alimango. Isunod ang sugpo, dayon ang tahong. Ilunod ang tubig kadtong pinabukalan sa tahong ug timplahan. Idugang ang asuete depende sa kolor nga imong gusto ug ang peanut butter. Ilunod ug una ang string beans kay dugay-dugay pa ni siya maluto, kon hapit na maluto, isunod ang talong, dayon ang petchay.